AXUDAS MATERIAL EDUCACIÓN INFANTIL

Estimadas familias,

Aberto o prazo para a solicitude de axudas para libros e material para o ciclo de educación infantil.

LIGAZÓN Á PÁXINA DO CONCELLO DE REDONDELA:

http://redondela.gal/gl/nova/convocatoriaayudamaterialelibrosinfantil

Un saúdo

Xornada de Convivencia fin de curso

Ola de novo familias!

O xoves 21 de xuño demos por rematado o curso, e a modo de despedida, como xa é tradición dende os últimos anos, no colexio organizamos unha xornada de convivencia para toda a comunidade educativa.

Así pois, as 9.15 h deron comezo os 4 obradoiros polos que íamos rotando e que estaban organizados polo alumnado de 6º de Primaria.

Ditos obradoiros eran os seguintes:

Ecopercusión: no cal os nenos/as de 6º nos repartiron a cada un unha garrafa de auga baleira e nos ensinaban a tocar diferentes ritmos.

A maxia dos contos: no que os alumnos/as de 6º dramatizaron o conto do “Coelliño Branco”, e logo levaron a cabo algún que outro truco de maxia.

Crearte: no que tivemos que debuxar unha flor sobre papel corrido, e nos seus pétalos escribir as respostas a preguntas que nos facían.

Xogos populares: no que nos tiñan preparados dous xogos, un de derribar latas cunhas pelotas; e outro de relevos con auga.

Unha vez finalizados ditos obradoiros, fixemos un pequeno parón para merendar e repoñer forzas.

Seguidamente tivo lugar o acto de despedida do alumnado de 6º de primaria, no que nos dedicaron un texto a modo de despedida, os seus respectivos titores fixéronlle a entrega das orlas e despois disto, sorprendéronnos cunha Batukada que tiñan preparada.

Por último, todos xuntos gozamos dun concerto a cargo de Susa Herrera, no que bailamos e cantamos moito.

Sen máis, toca despedirnos ata o curso que vén,  pero non sen antes agradecervos toda a vosa implicación e colaboración ao longo deste ano. Esperamos que pasedes unhas moi boas vacacións e que gocedes moito en familia do verán.

Saúdos!  e Vémonos á volta! 

Aniversarios Xullo e Agosto

Ola familias!

O mércores 20 de abril dedicámolo á celebración dos aniversarios dos nenos/as que cumpren durante os meses nos que estamos de vacacións, e que polo tanto non poderíamos celebrar todos xuntos/as.

Así pois, da clase dos Mamuts, tocoulles soprar as velas a: Borja, Irina, Bruno, Nerea, Darío, Noa, e Gabriel.  

Na clase das Cacharelas a: Aitana e a Bruno.

E na clase dos Mutantes a: David, Zoe, Dani, Sabela, Bruno, e Íker.

Nesta ocasión non levamos a cabo o tradicional obradoiro de cociña, posto que as mestras tiñan preparada unha rica merendola con diferentes cousas que nos encantan: gusanitos, patacas fritas, sándwichs de nocilla, palomitas…

Como podedes observar, pasámolo xenial!

ANIVERSARIOS MAIO

O  PASADO MES DE MAIO, NA CLASE DAS CACHARELAS, CUMPRIRON 5  ANOS:

SARA

HUGO ORDÓÑEZ 

NOA

HUGO RODRÍGUEZ

NA CLASE DOS MUTANTES, CUMPRIU  6 ANOS:

BREIXO

O MENÚ DESTE MES FOI : ¡¡¡PIZZAAA!!!

 COMEZAMOS POR EXTENDER O TOMATE

DESPOIS CORTAMOS  ANAQUIÑOS DE  XAMÓN 

E POR ÚLTIMO BOTÁMOSLLE  O QUEIXO

 UN TEMPO DE  FORNO E   LISTA PARA COMER

SAÍDA Ó MONTE

O martes 29 de maio  o ciclo de infantil fixo unha saída ó monte comunal de Chapela.
Alí,  comuneiros  e persoal de medio ambiente da Xunta, explicáronnos como se pranta unha árbore.

Observamos ben  os pasos a seguir.

Cavar o burato

Colocar a árbore e rodeala  cun muro de terra   para que a auga que chega do río  a regue

Despois tocounos facelo a nós

fomos descubrindo animaliños que pasaban por aí

e lles puxemos o noso nome as árbores que plantamos

Tamén ensináronnos niños de diferentes aves

Foi unha xornada moi divertida para todos e....

esgotadora para algúns.

De interese!

Ola familias,
O mércores 23 de maio, ás 19.00h, terá lugar un contacontos no exterior da Biblioteca de Chapela a cargo de Xoga, unha organización de discapacidades sensoriais (auditivas, sensoriais e de linguaxe). O obxectivo é a sensibilización entre a poboación máis nova a través de actividades lúdicas. Esta sesión está deseñada para nenas e nenos de 2 a 6 anos de idade e narrarán diversos contos en lingua de signos e lingua oral. Animádevos!

Un saúdo 

3,2,1...ACCIÓN

Boas familias!

A clase dos e das mutantes levabamos un tempo sen saber das nosas amigas e amigos de 6º de Primaria, por iso, hoxe, xa que estamos coas revolucións tecnolóxicos a voltas, xuntámonos e gravamos unhas "minipelículas" cunha App que nos permitía tornar ao cine de hai uns cantos anos. Mirade o resultado!




Saúdos!

CONTACONTOS FAMILIAS (4º EI)

Queridas familias,

Nesta entrada queremos compartir convosco o último día de CONTACONTOS na aula de 3 anos. Nesta ocasión visitounos María, mamá do noso compañeiro Bruno.

María e Bruno tiñan preparada para nós unha asombrosa historia sobre un monstro chamado Camuñas. Pero Camuñas non era un monstro normal, senon que era un monstro bastante atípico, que a pesar do seu horrible aspecto non foi capaz de asustar á súa vítima: a pequena e intelixente Branca.

Branca, pese a súa curta idade, conseguiu darlle a volta a unha situación, aparentemente, tráxica, e cun final digno de historia de medo.

E foi así como Camuñas, aquel monstro que non se cortaba as uñas e cuxa única intención era comerse a Branca, converteuse nun dos seus mellores amigos.

Pero María e Bruno, ademais de sorprendernos con esta monstruosa historia, quixeron regalarnos o conto de Camuñas para a nosa biblioteca de aula, e así poder gozar e divertirnos coas súas aventuras sempre que queiramos.

Moitas grazas María, polo conto, polo teu tempo e colaboración, e por axudarnos a descubrir que non sempre son certas as primeiras impresións.

Esperamos que gozases tanto da visita como nós.