Páxina

mércores, 28 de febreiro de 2018

INFORMACIÓN PROCESO DE ADMISIÓN




Podedes consultar a lexislación sobre o proceso de admisión en centros públicos, un folleto sobre o noso cole e o mapa de influencia do centro no seguinte ligazón: 


Ademais, podedes descargar o impreso de admisión e o "Anexo A" para entregar no cole. Tamén podedes recollelo na Secretaría do propio centro. 

Saúdos


CONTACONTOS FAMILIAS MUTANTES

Ola familias!!

Aquí vos traemos unhas fotos das familias de 6º que participaron na hora de ler dos venres durante o mes de febreiro. Grazas a María, nai de Íker, a Vanesa, nai de Sabela, a Paula, nai de Daniel e, especialmete, grazas a Tomás, pai de Breixo, por ser o primeiro papá que participa nesta actividade!



 *Nesta foto estabamos ás escuras e mirando ao teito posto que Paula e Daniel decidiron sorprendernos cun proxector e ensinarnos os planetas, a lúa,... quedamos abraiados/as!


Saúdos!

domingo, 25 de febreiro de 2018

CONTACONTOS FAMILIAS (4º EI)

Ola de novo familias,

Nesta entrada queremos compartir convosco como foi o segundo día de CONTACONTOS a cargo das familias na aula de 3 anos.

O venres 23 de febreiro veu visitarnos Cristina, a mamá do noso compañeiro David.


Cristina e David decidiron compartir con nós a misteriosa historia do tesouro da illa do Pirata Caveira, un dos seus contos favoritos. Que sorte, un gran pirata necesitaba da nosa axuda para atopar un tesouro!

E por suposto que o axudamos! A medida que a historia avanzaba fomos descubrindo todos os segredos e superando todos os obstáculos ata, finalmente, atopar o ansiado tesouro. Foi unha viaxe do máis emocionante!


Pero unha vez máis, Cristina e David decidiron sorprendernos. Xa rematado o conto, grazas ao que aprendemos todos os trucos do Pirata Caveira, iniciamos a nosa propia procura do tesouro, non sen antes converternos en piratas profesionais, dos de parche no ollo.


E por suposto, tras seguir todas as pistas, atopámolo. Non hai tesouro escondido que se nos resista, e moito menos se a recompensa son uns cuantos doces e moedas de chocolate.


Todo o noso esforzo viuse recompensado, non só ao atopar o tesouro, se non tamén ao recibir o noso diploma pirata.
Agora si, xa estamos listos para sucar os mares en busca de aventuras.

Moitas grazas Cristina polo teu tempo e colaboración, e por facernos partícipes desta gran aventura pirata.
Esperamos que gozases tanto da visita como nós.


mércores, 21 de febreiro de 2018

Que é para nós Galiza?

Ola familias!

Aquí vos deixamos un video con todos os vosos traballos que fixestes sobre Galiza. Escoitamos de fondo o noso himno posto que o traballamos nas aulas. 

E, con este, xa levamos 3 retos conseguidos polo que é probable que o Beretiño nos visite para felicitarnos polo noso esforzo! Que ganas de volver a velo e seguro que o Beretiño está desexando coñecer os e as nenas de 3 anos!



       



Grazas pola vosa participación
Saúdos

domingo, 18 de febreiro de 2018

QUERIDAS FAMILIAS

Xa están aquí as fotos do entroido do noso cole.
Como sabedes foi unha semana chea de actividades e troula.
Comezamos a semana coas órdenes do meco

                                                     O LUNS, AS GORRAS DOS RAPEIROS




CON "POSTURIÑAS" E TODO




O MARTES, DE COLORÍNS COMO OS RASTAFARIS

O MÉRCORES, DE FOSFORITO COMO OS RAVERS

E O XOVES, CON BARBA COMO OS  HIPSTERS




O XOVES,AS MURGAS DOS NENOS/AS DE 4 ANOS  FORON CANTAR  AS CLASES DE 5º E 1º DE PRIMARIA.





A MURGA DE  6ºA CANTOULLE  O ALUMNADO  DA CLASE DE 5 ANOS





E AS NENAS E NENOS DE 2º DE PRIMARIA CANTÁRONLLE OS MÁIS PEQUECHOS DO

 COLE




DESPOIS DE TANTA FESTA... MERENDOLA  COS POSTRES DE ENTROIDO




 FINALMENTE, AQUÍ TEDES UNHA PRESENTACIÓN DE FOTOS  DA FESTA  DO VENRES DE ENTROIDO.

MOITAS GRAZAS A TODAS AS FAMILIAS POLA VOSA COLABORACIÓN  DURANTE 

TODA ESTA SEMANA.








REVOLUCIÓNS NATURAIS (4º EI)

Queridas familias,

Como sabedes, neste segundo trimestre deixamos atrás a prehistoria para aprender cousas sobre as REVOLUCIÓNS NATURAIS.

Na aula de 3 anos contamos coa gran axuda de Wangari Maathai, coñecida como a MULLER ÁRBORE, que nos acompaña e guía nas nosas investigacións sobre as sementes, a súa xerminación e crecemento, os seus coidados... Pero, ademais da axuda de Wangari, tamén temos que agradecervos a vós, as familias, a colaboración.

Nesta entrada queremos compartir convosco os primeiros materiais que chegaron á nosa aula e que forman parte xa do noso recuncho do proxecto, que aos poucos imos creando.



Desirée e Borja, coa axuda da súa familia, fixeron unha reprodución da aldea natal de Wangari, xunto ao monte Kenia (África). Nela pódese observar a Wangari, xunto a outras mulleres, plantando e coidando as árbores que posteriormente serían o inicio do seu gran CINTO VERDE.





Doutra banda, Julia e a súa familia realizaron un mural sobre unha cartolina verde, a cor máis representativa do movemento promovido por Wangari. Nel reflectiron algúns dos aspectos máis representativos da vida da nosa Muller Árbore: a súa preocupación polo benestar da súa aldea natal e da xente que a habitaba, a súa loita contra a deforestación e a súa preocupación polo planeta, o seu movemento do CINTO VERDE e as súas árbores da paz.


Que gran traballo!

Moitas grazas a Desirée, Borja, Julia e ás súas familias pola colaboración e axuda.

CONTACONTOS FAMILIAS (4º EI)


Ola de novo a todos e a todas,

O pasado venres, 16 de febreiro, comezaron na aula de 3 anos os CONTACONTOS a cargo das familias. A primeira en visitarnos foi Miriam, a mamá do noso compañeiro Gabriel.




Aínda que hai moitos contos que a Miriam e a Gabriel gústanlles, finalmente decidiron compartir connosco unha das súas historias favoritas: a de Elmer.





Elmer é un elefante diferente, distinto a todos os demais, é un elefante multicor que nos anima a VALORAR, CELEBRAR E RESPECTAR AS DIFERENZAS. Que emocionados estabamos! Sen dúbida, a de Elmer é xa unha das nosas historias preferidas tamén.



Pero iso non é todo. Miriam e Gabriel tiñan outra sorpresa preparada!
Non viñan sós, Elmer acompañábaos.




Grazas a Miriam e a Gabriel, que gardaran dentro dun pequeno bote unas cantas pingas de choiva, conseguimos que chovese dentro da nosa clase e, entre todos, puidemos devolverlle a Elmer todas as súas cores.

Nós, todos e todas, do mesmo xeito que Elmer, tamén somos multicor, e son todas esas cores as que nos fan DIFERENTES, ESPECIAIS e, sobre todo, ÚNICOS.

Moitas grazas Miriam pola túa colaboración e o teu tempo, e por compartir connosco unha historia cunha mensaxe tan bonita e especial.
Esperamos que gozases tanto da visita como nós.




venres, 16 de febreiro de 2018

Ola familias

O pasado 30 de xaneiro celebramos o día da paz.
Dende o ciclo de Ed. Infantil estivemos a traballar a tres mulleres(Wangari Maatthai, Jane Goodall e Berta Cáceres).
Os seus  traballos son un exemplo de REVOLUCIÓN PACÍFICA a favor da defensa do medio ambiente e os dereitos humanos.

Deixámosvos unha pequena mostra do noso traballo cos nenos/as


 O movemento   "CINTURÓN VERDE" de Wangari



A defensa de Jane  dos chimpancés 


A loita de Berta para conservar o río 

domingo, 4 de febreiro de 2018